Arxilas
As propiedades cosméticas destes minerais están determinadas polas súas propiedades físicas e fisicoquímicas, así como pola súa composición química. Algunhas das propiedades que cabe destacar son: alta capacidade de adsorción, gran superficie específica, solubilidade en auga, reactividade fronte a ácidos, alto índice de refracción, alta capacidade de retención de calor, opacidade, baixa dureza, astringencia e alta reflectancia.
Debido a todas estas propiedades, pódense utilizar como ingredientes activos ou como excipientes. Así, Podemos atopalos como parte de diferentes tipos de formulacións: máscaras faciais, corporais e capilares, maquillaxe e xabóns sólidos, por poñer algúns exemplos. Tamén pola súa opacidade e astringencia pódense utilizar en pequenas cantidades en emulsións para diferentes fins: produtos solares, locións corporais, xampús...
